ယွန်းဆုဝဿန်(တောင်ကြီး)

Monday, December 9, 2013

ဘ၀တောင်တန်း

``ဘ၀တောင်တန်း´´

ဘဝခရီးမှာ
အမြင်နီးသလိုနဲ့
တောင်တန်းအသွယ်သွယ်
မြင်ကွင်းမှာနီးနေသလိုပါ

တကယ်တမ်းမှာ
မောဟိုက်ကာ ချွေးတွေစီး
လှိုက်မောကာ အခါခါနားပြီး
ဒီတောင်တစ်ကုန်းကို အမြင်နီးလို့
အမြန်ခရီးနှင်ပေမယ့်
ရောက်ဖို့တက်လှမ်းရာမှာ
နွမ်းလျသက်ပြင်းတချချပေါ့

အော်
ဘဝခရီးကတောင်တန်း
အသွယ်သွယ်ကို
ဖြတ်ကျော်သန်းပြန်တော့
မောဟိုက်တခါ လေပြည်တရှိုက်
ပျော်ရတလီ
ငိုရတသွယ်
ပြုံးရ ရယ်ရ ဝမ်းနည်းရနဲ့
လက်မလျော့ဘဲ
တစ်တောင်ဆုံးပေမယ့်
ခရီးကမဆုံးလေတော့
တောင်တန်းတွေ
အသွယ်သွယ်
တောင်စဉ်တွေ
ရေမရအောင်
ဘဝမဆုံးသရွေ့
တက်နေရဦးမှာပဲလေ
ဘဝဆိုတာက
သွားရင်းနဲ့မဆုံးနိုင်တဲ့
သံသရာစက်ဝန်းရဲ့
အစက်အမူန်လေးပါပဲ
**************----
၈ ၁၂ ၂၀၁၃YSWT(ဓါတ်ပုံဆရာကို ဒီကနေ ခွင့်တောင်းပါတယ် ယူသုံးထားလို့ပါ )

Monday, November 4, 2013

မကြာမီလာမည်နော် တန်ဆောင်တိုင်ပွဲတော် မီးပုံးပျံပွဲနှင့် ကထိန်ပွဲ

တောင်ကြီးမြို့ရဲ့ အထင်ကရ ပွဲတော်မှာ နွဲပျော်ချင်ဘူးလား
မကြာခင်မှာ
2013ခုနှစ် နိုဝင်ဘာလ(10)ရက်နေ့ကနေ (17)ရက်(လပြည့်နေ့အထိ)ကျင်းပမယ့် တန်ဆောင်တိုင်ပွဲကို လာရင်
အနွေးထည်မပါဘဲ မလာနဲ့နော်
မေးခိုက်ခိုက်တုန်လို့ အဘားအဘားအော်သွားရမယ်နော်
ခုတောင် အေးနေပြီနော်

*****ဒီနေရာလေးမှာနှိပ်ပြီးဖတ်စို့*****

Thursday, May 9, 2013

ဟိုပုန်းမြို့အ၀င် ဆွမ်မီကျောင်းကို ဆရာတော် ၀စီပိတ်ဆရာတော်(တချို့တွေကတော့ ရဟန္တာတစ်ပါးဟု သတ်မှတ်ကြပါတယ်)..

ဟိုပုန်းမြို့အ၀င် လမ်းဘယ်ဘက်ခြမ်း လမ်းကြားမှ အတွင်းထဲ သို့ ၀င်က ဆွမ်မီကျောင်းကို တွေ့ရမယ်၊ ဆရာတော်က ဒေသခံတွေ ပြောကြားချက်အရ ၀စီပိတ်ဆရာတော်ပါ၊ တချို့တွေကတော့ ရဟန္တာတစ်ပါးဟု သတ်မှတ်ကြပါတယ်..တစ်နေ့လုံး တရားအားထုတ်ပြီး နေ့လည် 11နာရီမှ 12နာရီကြားတွင် ဆွမ်းထွက် ဘုန်းပေးစဉ် ဖူးမြှော်နိုင်ပါတယ် ကျန်တဲ့အချိန် တရားအားထုတ်နေပါတယ် ရှမ်းဆရာတော်ဖြစ်ပါတယ်။ ၀စီပိတ်ဆရာတော်ဖြစ်ပြီး လိုအပ်မှ အရေးကြီးမှ သာ စကားမြွက်ဟပါတယ် ကျောင်းမှာ လာဖူးသူများ ကို ဆွမ်းဘုန်းပေးဖို့ထွက်လာချိန်တွင် အဖူးခံပါတယ်၊ ကျောင်းမှာ ထမင်းကျွေးတာမို့ ဆွမ်းလှူခဲ့ပါတယ်.....

ရောက်ဖြစ်တဲ့အခါ သွားဖူးကြပါ တရားအားထုတ်ပြီး လောကီအလုပ် ကင်းတဲ့ ဆရာတော်တစ်ပါးမို့ပါ


ဟိုပုန်း မြို့အ၀င် ဆွမ်မီကျောင်း မှ ဆရာတော်

ဆရာတော့်မျက်နှာမှာ နုပြီး စိုပြေသည် ၀စီပိတ်ဆရာတော်တစ်ပါးဖြစ်သည်(အရေးကြီးလျင်တော့ စကားပြောပါသည်)

ဆရာတော်အား လှူဖွယ်ပစ္စည်းများ ကပ်လှူသည်ကို ဆုပေးနေပုံ

ဆွမ်မီကျောင်းသို့ မကြာမီကမှ လာရောက်သီတင်းသုံးတော်မူသော ပြင်ဦးလွင်မှ ဂျပန်ဂူဆရာတော်ဘုရား

ဆွမ်မီကျောင်းတွင် ဝေယျာဝစ္စ ကူညီပေးနေသော ဟိုပုန်းမြို့မှ ၀န်ထမ်း ဦးစီးအရာရှိ မမ

ဒီလို ကျောင်းဆောင်လေးတွေကို လှူဒါန်းပေးသူတွေ ကျန်းမာပါစေချမ်းသာပါစေ သာဓုပါ

ဆွမ်မီကျောင်းဝင်းအတွင်း

ဆွမ်မီကျောင်း အတွင်း စေတီတော်

ဆွမ်မီဆရာတော်နှင့် ဂျပန်ဂူဆရာတော်အား လှူဒါန်းထားသည့် ရေသန့်စက်

Thursday, January 31, 2013

DSA 47 48 တို့အတွက် ဂုဏ်ယူပါတယ်

DSA 47 48 တို့အတွက် ဂုဏ်ယူပါတယ်
ပြောချင်တာကြာပြီ
တလောက ကျောင်းဆင်းပွဲတစ်ခုမှာ တူလေးကိုသွားကြိုကြတယ် အပြန်လမ်းမှာ သူပြောလာတဲ့ စကားတွေထဲက ရင်ထဲမှာ ၀မ်းသာဂုဏ်ယူခဲ့ရတဲ့ စကားလေးကိုပြန်ပြောချင်နေတာလေ---
``အန်တီသိလား သားတို့ကျောင်းက တီဗွီကြီးကွဲသွားတယ် kia က တပ်မတော်သားတွေ ကျဆုံး တဲ့ပုံတွေ၊ ဖမ်းထားတဲ့ပုံတွေပြတဲ့ ဗွီဒီယိုခွေကို ဖွင့်ကြည့်ရင်းနဲ့ သင်တန်းဆရာ ဗိုလ်ကြီးတွေ ထကန် လိုက်တာ ကွဲသွားတယ်၊ ဒါနဲ့ သားတို့ မကြည့်ရတော့ဘူးလေ´´တဲ့

*****ဒီနေရာလေးမှာနှိပ်ပြီးဖတ်စို့*****

Wednesday, January 23, 2013

ဘလော့လေးကို မရောက်တာ တော်တော်ကြာလှပေါ့
ခုတလောက ဘာတွေမှန်းမသိဘူး စိတ်တွေက ပျော်ရွှင်စရာတွေ ဆိုတာ မရှိဘူး တစ်နေ့တစ်နေ့ ဖေ့ဘွတ်မှ ဖတ်နေမိတဲ့သတင်းတွေ ကကြေကွဲစရာ စိတ်မကောင်းစရာ တွေချည်း ဒါနဲ့ပဲ ဘလော့လေး မှာရေးချင်တာတွေ မရေးဖြစ်ခဲ့သလို စာရေးဖို့လည်း စိတ်မပါပါဘူး
ခုပဲကြည့်လေ

*****ဒီနေရာလေးမှာနှိပ်ပြီးဖတ်စို့*****

Monday, December 31, 2012

၂၀၁၃နှစ်သစ်ကူး ငြိမ်းချမ်းရေးဆုတောင်း

2 minutes ago

၂၀၁၃ခုနှစ် ၊ ဇန်န၀ါရီလ(၁)ရက်
မင်္ဂလာပါရှင် တိုင်းရင်းသားပြည်သူအပေါင်း ကျန်းမာ ချမ်းသာ ကြပါစေ၊ ဘေးဘယာဝေးကွာကြပါစေ၊ ဒီဆုတောင်းလေးကို အလေးအနက် ထားပြီး ကျွန်မဆုတောင်းပါရစေရှင်---မြန်မာပြည်မြောက်ပိုင်းဒေသ ၊ ကချင်တိုင်းရင်းသားတို့အားလုံးနဲ့ ABSDF ကျောင်းသားများအားလုံးကိုလည်း မေတ္တာပို့သပါတယ်၊ KIO/KIA အဖွဲ့မှ ဦးဂွမ်မော်၊ ဦးဂွမ်ရှောင်နဲ့ တပည့်သားများအားလုံးကိုလည်း ထပ်တူ ထပ်မျှ ဆုတောင်းပေးပါတယ်၊

*****ဒီနေရာလေးမှာနှိပ်ပြီးဖတ်စို့*****

Friday, December 28, 2012

လေယာဉ်မှူးကို ချီးကျူးပါတယ်ရှင်

လေယာဉ်မှူး ကို ချီးကျူးပါတယ်ရှင်
တကယ်တော့ ဒီနေ့ အဲယားပုဂံရဲ့ ဖြစ်စဉ်လေးဟာ အတော့်ကို အံ့သြစရာပါ၊ မြန်မာပြည်မှာ ပျက်ကျ တဲ့လေယာဉ်တိုင်း လူရှင်တယ်ဆိုတာ မရှိပါဘူး၊ ကားတောင် တိုက်မိရင်ဘယ်လိုနေမလဲ၊ ခုတော့ လေယာဉ်ပြေးနှုန်းနဲ့တိုင်းတာကြည့်ရင် ဒီနေ့ဖြစ်စဉ်ဟာ အင်မတန်မှ ကံကောင်းလွန်းတယ် လို့ထင်ပါတယ်၊ ထိခိုက်သေဆုံးမှုနည်းတာဟာ အင်မတန်မှ အံ့သြ၀မ်းသာစရာပါ မနက်စောစော ဒီသတင်းကို ရတာနဲ့ လူတွေသေပြီလို့ထင်ပြီး ၀မ်းနည်းမှုကြောင့် မျက်ရည်ဝဲရပါတယ်၊ ဖြစ်ချင်တော့ တောင်ကြီးတစ်မြို့လုံးဟာ လျှပ်စစ်ပြတ်တောက်ခဲ့ရတယ် ဟိုက ဒီက ဖုန်းတွေဝင်လာလို့ ဖုန်းဓါတ်ခဲက ကုန်သွားတော့ သတင်းတွေဟာ လူမသေဘူးလို့ရတဲ့အထိ ပဲ သိရတယ် ညနေမှ 1750လောက်မှာ မီးတွေပြန်လာတော့ ဖုန်းအားသွင်းနေရင်း သတင်းတွေ ၀င်လာပါတယ်၊ ရှစ်နှစ်အရွယ် ကလေးတစ်ယောက်သေတယ်တဲ့ ၊ သူ့အတွက်ရင်ထဲမှာ လုံးဝ မကောင်းပါဘူး၊ (ကလေးမသေဘူး ၊ စကားပြန် နွဲ့လင်းရှိန်ကို ကလေးလို့ထင်ခဲ့ကြတာ)ကံတရားကို ပြန်တွေးကြည့်တော့ ဒီလောက် ထက်ပိုင်းပြတ် မီးလောင်တဲ့ထဲမှာ တစ်ဦး ဆုံးရှုံးသွား တာကို ပဲ စိတ်မကောင်းစွာကြားသိရပြီး ၀န်ထမ်း၊ ခရီးသည် 71ဦးအနက် 70ဦးမှာ ထိခိုက်ဒဏ်ရာ ရတာ သိပ်မပြင်းထန်ဘူးတဲ့ အမေရိကန်(2)ဦး။ တရုတ်(1)ဦး၊ ပြင်သစ်(1)ဦး ၊ ပြည်တွင်းခရီးသည် (5)ဦးတို့ ဒဏ်ရာရတယ်တဲ့၊ လေယာဉ်မှူး မောင်မောင်ထွေးက ဒဏ်ရာရတယ်တဲ့၊ ဓါတ်အားလိုင်းကို ဘီးညိပြီး သစ်ပင်တွေနဲ့အတူ ဆင်းလာချိန်မှာ အောက်က ဆိုင်ကယ်သမား (1)ဦးသေဆုံး တယ်တဲ့၊ ဒီဖြစ်စဉ်ကို ပြန်တွေးကြည့်တော့ လေယာဉ်မှူး ကို ချီးကျူးပါတယ် လူ့အသက် (70)ကို ကယ်တင်နိုင်ခဲ့ပြီး နောက်ဆုံးအချိန်ထိ မြေပေါ်မှာ ဒရွတ်တိုက်ဆွဲပြီး ဆင်းလာနိုင်တဲ့အတွက်၊ သူတော်တော်ကြိုးစားခဲ့ရပါမယ်၊ လူတိုင်းဟာ မတော်တဆမှုနဲ့ကြုံတဲ့အခါတိုင်း သတိလစ် မေ့မျော တတ်ပါတယ်၊ ဒါမှမဟုတ် ကြောင်တက်ပြီး ဘာမှ မဆုံးဖြတ်နိုင်ဘူး၊ လေယာဉ်မှူးကို ချီးကျူးရတာ ကတော့ ကျွန်မအတွေးမှာ သူဟာ ဆင်းမှ ဖြစ်မယ့်အနေအထားမှာ သူပြန်လှည့်လို့မရနိုင်မှန်း သိလို့ ကွင်းကို တောင်းဆင်းတာဖြစ်လိမ့်မယ်၊ ကွင်းကလည်း ဆင်းခွင့်တော့ပေးမှာမဟုတ်ဘူးလေ၊ နှင်းကျ ပြီး ပိတ်နေရင် ၀ယ်သာမပေးရင် ဆင်းခွင့်ပေးမှာမဟုတ်ဘူး၊ ဒါပေမယ့် နောက်လှည့်ပြန်ဖို့အတွက် သူ့မှာ အခွင့်အရေး မရှိလို့သာ ဆင်းခွင့်တောင်းခဲ့တာဖြစ်ရမယ်၊ ဒီနေရာမှာ 50း50သာအခွင့်အရေး ရှိတာကို လေယာဉ်မှူးက 90း10အခွင့်အရေး ဖြစ်အောင် သူ့ရဲ့ ဆုံးဖြတ်ချက်ကိုချခဲ့တာပါ ၊ လေယာဉ်မှူးမှာသာ သတိမရှိရင် ဘီးနဲ့ဓါတ်အားကြိုးညိပါလာချိန်မှာ သူမှင်သက်ပြီး ဆုံးဖြတ်ချက် မှားခဲ့ရင် အဲဒီနေရာမှာတင် ပေါက်ကွဲမှုဟာ ပြင်းထန်ပြီး တစ်ယောက်မှ ရှင်မှာမဟုတ်ဘူး၊ သူ့မှာ ဓါတ်ကြိုးတွေ သစ်ပင်တွေပါလာတာတောင် မြေပြင်ကို ၀ပ်ဆင်းနိုင်အောင် ပဲ့ကိုင်နိုင်ခဲ့တယ်၊ မြေပေါ် ဒရွတ်တိုက် ၀ပ်ဆင်းခဲ့လို့သာ ပေါက်ကွဲမှုမဖြစ်ခဲ့တာ၊ လူတွေ (70)ကို (လုံးဝ၊ လုံးဝ)မယုံနိုင်အောင် အသက်ရှင်စေခဲ့တာ၊ ကျွန်မ အမြင်က သေးရင်သေးမယ်၊ ဒါပေမယ့် ကျွန်မ ဒီနေ့ အဖြစ်အတွက် ၀မ်းနည်းရသလို၊ လူ(70)အသက်မသေတာကို ၀မ်းသာမိတယ်၊ ဒါကြောင့် လေယာဉ်မှူးကို ချီးကျူးတယ်၊ ဂုဏ်ယူပါတယ်၊ တော်ပါတယ်လို့ပြောချင်ပါတယ်ရှင်၊ မြေပြင်ပေါ်က ဆိုင်ကယ်သမားအတွက် ကတော့ စိတ်မကောင်းဝမ်းနည်းရပါတယ်၊ သူ့ကံကို က လေယာဉ်နဲ့များ သေဖို့ ကံပါသလားနော်၊ လေယာဉ်ကော တစ်ခါလောက်များ စီးဖူးပါရဲ့လားလို့ တွေးမိပါတယ်၊ (ဂရုဏာစိတ်နဲ့ပြောတာပါရှင်၊ ကျွန်မတို့တောင် လေယာဉ်မစီးဖူးတာကြာပြီလေ) သူသေရ တာကတော့ မတော်တဆမှု အတွက် ဖြစ်ပျက်သွားတဲ့ ရှောင်လွှဲမရနိုင်တဲ့ ရုတ်တရက်ခံစားသွား ရတာပါ ကောင်းရာသုဂတိလားပါစေလို့ ဆုတောင်းပါတယ်၊ (ဒီနေ့အဖြစ်လေးကို ၀မ်းနည်းလွန်းလို့ ဒီစာလေးကို ရေးတာပါ၊ လေယာဉ်မှူးကိုလည်း လူတိုင်း ချီးကျူးနိုင်ပါစေ အမှန်မြင်ကြည့်ရင် မြေပြင် ရောက်တဲ့အထိ သူဆင်းသက်နိုင်ခဲ့တာ၊ လူ(1)ယောက်ပဲ ဆုံးရှုံးခဲ့တာ ဟာ မြင်တတ်ရင်တော့ ချီးကျူးစရာ ဂုဏ်ယူစရာပါ)

ခင် ခင်
http://www.facebook.com/himawaritgi

Saturday, December 22, 2012

ပီတိ

22ရက်နေ့က ငယ်ငယ်က ကျေးဇူးရှိခဲ့တဲ့ မိဘသဖွယ်စောင့်ရှောက်ခဲ့တဲ့ကျေးဇူးရှင်
အဖြစ်ရင်ထဲမှာအမြဲမှတ်သားခဲ့တဲ့လူကြီးမိဘနှစ်ဦးကို ငွေတစ်သိန်းကန်တော့ခဲ့ပါတယ်
ဆုပေးတော့ရင်ထဲမှာ ကျေးဇူးရှိဖူးတဲ့သူကို ဂါရဝပြုရတဲ့အတွက် ဝမ်းသာပီတိဖြစ်ရပါတယ်
ငယ်ငယ်က ဒီအိမ်မှာနေခဲ့ စားခဲ့ ကစားခဲ့ အိပ်ခဲ့ရတာကိုပြန်သတိရမိတယ်
အငြိမ်းစားဆေးတပ်တပ်မှူးအိမ်
ဆေးခန်းဖွင့်ထားပြီး ခင်တို့က ကူကြသလို အန်တီကခရစ္စယာန်ဆိုတော့
ဘုရားရှစ်ခိုးဆုတောင်းပွဲတွေမှာလည်း
ခင်တိုကပျော်ခဲ့တာပဲ ခြောက်တန်းနှစ်ကစလို့ဆယ်တန်းအောင်တဲ့အထိဒီမိသားစုအိမ်မှာ ကြီးပြင်းခဲ့တာ သမီး သား တူတွေတူမတွေကလည်း ခင်နဲ့က မောင်နှမတွေလိုချစ်ခင်ခဲ့တာကြောင့်
မိသားစုလေးလိုခံစားခဲ့ရတယ်
ခင်ဝန်ထမ်းဘဝမှာ ငွေကြေးအဆင်မပြေတဲ့ကာလတွေမှာစိတ်ထဲကသာရှိတာ လက်ကမရောက်နိုင်ခဲ့ဘူး ဒီနေ့မှာတော့ ခင်ပိုင်ဆိုင်မှုလေးရောင်းခဲ့
ရတာနဲ့ ဇာတိရွှေညောင်ကိုဆင်းလာခဲ့ပြီး
မွေးမိခင်ကို တစ်သိန်း ငယ်ဘဝက ခင့်ကို ကျွေမွေးဂရုစိုက်ပြီး ခင့်ဘက်က
မားမားမတ်မတ် ရှိပေးခဲ့တဲ့ ကျေးဇူးရှင်တွေကို ကန်တော့ရင်း တူတွေတူမတွေကိုမှုန့်ဖိုးတွေပေးခဲ့တယ် ရင်ထဲမှာဖြစ်တဲ့ပီတိဟာ မျက်ရည်လည်မိပါတယ်
ခင့်ငယ်ဘဝလေးမှာပျော်ရွှင်အောင်မိသားစုအိမ်လေးထဲမှာ နွေးထွေးစွာ ထားပေးခဲ့တဲ့ တောင်ကြီး ဆေးတပ် တပ်မှူး ဒုဗိုလ်မှူးကြီးမောင်ထွေး နဲ့
အန်တီ ဒေါ်နော်ရှာဖော တို့ကို ရင်ထဲမှာ မိသားစုလို နွေးထွေးစွာ ကျေးဇူးတင်ချစ်ခင်မဆုံးပါကြောင်း
ပီတိနဲ့ မှတ်တမ်းတင်ပါရစေရှင် ..........့

Friday, December 14, 2012

သံယောဇဉ်သို့ တမ်းချင်းကဗျာ

သံယောဇဉ်သို့ တမ်းချင်းကဗျာ
*************************************
တကယ်မဝေးပေမယ့် သူစိမ်းပြင်ပြင်အနေစိမ်းတော့
ရင်ထဲမှာ နာကြင်မိတယ်
ကိုယ်တန်ဖိုးထား တွယ်တာလေသမျှ
ရယ်ပွဲဖွဲ့ညှိုးရက်တယ်ကွယ်
ချစ်တယ်ချိုစကားတွေပြောခဲ့တာလည်း
နင်ပါပဲကွယ်...........
ရင်ထဲမှာ နင့်အောင်နာပေမယ့်
အပြုံးမပျက်စောင့်ကြည့်လျှက်ပါ
နင်ပစ်သွားတဲ့နေ့ရက်တိုင်းဟာ
ပြက္ခဒိန်မှာ အနီစက်တွေ
ကိုယ့်နှလုံးသားကအရှင်လတ်လတ်သွေးထွက်နေတဲ့ရက်စွဲတွေက
လှောင်ပြောင်ရယ်ပွဲဖွဲ့သံတွေကြားမှာ
ချစ်သူရဲ့ ချန်ထားရက်ခြင်းကို
ရင်နဲ့မမျှအောင်ခံစားနေရတဲ့
ဟောဒီက ကောင်အတွက်ကတော့
ရူးသွပ်လုမတတ်ပါပဲကွယ်......
သူတကာတွေလှောင်ရယ်ဖွဲ့အောင်
ချစ်ခဲ့တုန်းကတော့နင်အသည်းနင့်လောက်အောင်ထိ
ချစ်ပေးခဲ့တယ်ဆို၊ ခုတော့အခါ တမာခါးတယ်ဆိုတာတောင်
နင့်နှုတ်ဖျားက စကားကသာတယ်
ဘာတဲ့ မေ့ပြစ်လိုက်တော့တဲ့လား
ကလေးကစားစရာလို ကိုယ့်ကို လှည့်စားခဲ့တာလား...........
ဝေဒနာကို ဟန်လုပ်ပြုံးရင်တောင်
မဲ့နေတဲ့ကိုယ့်ရုပ်သွင်က
လူတကာဟားစရာဖြစ်အောင် မင်းအချစ်က
စော့ကစားတဲ့အချစ်တဲ့လား..........
ဆုတောင်းခွင့်ပြုရင် တောင်းဆုခြွေချင်တယ်အချစ်ရယ်
ကိုယ်ခံစားခဲ့ရတဲ့ ဝေဒနာ တစ်စက်တစ်မှုန်လောက်တောင်
မင်းချစ်တဲ့သူနဲ့တွေ့တဲ့အခါ မခံစားရပါစေကြောင်း
မင်းပျော်ရင် ကိုယ်ကျေနပ်တာမို့
မင်းအမုန်းကို ပြုံးဟန်ဆောင် ကျေနပ်နေမှာမို့
ရင်ခွင်ဟောင်းကို ပြန်လာမယ်ဆိုရင်တောင်
အိပ်မက်လိုလို အတွေးတွေအဖြစ်
ကိုယ်မေ့ပစ်ပေးမယ်လေ.........
ယောက်ျားမာနမရှိတဲ့ကောင်လို့ ဝေဖန်အပြစ်တင်ရင်လည်း
ကိုယ်ဆိုတဲ့လူသားတစ်ယောက်ဟာ
တစ်သက်မှာ တစ်ယောက်ကို ပဲ နှစ်နှစ်ကာကာချစ်ခဲ့တာမို့
မျက်နှာမပြောင်းချင်တဲ့သူဖြစ်ကြောင်းကို
ကြေငြာမောင်းခတ်ပါရစေလေ......။
(ယွန်းဆုဝဿန်မှ ဖြိုးကိုကိုအတွက် လက်ဆောင်ပေးခြင်းပါ)26-11-2012

ဆရာ မောင်ဆန္ဒ(လယ်ဝေး)အတွက် စာပေဆု(၂)ဆုရတဲ့အတွက် ၀မ်းသာဂုဏ်ယူမိပါကြောင်း

ဆရာမောင်ဆန္ဒ(လယ်ဝေး)အင်းလေးဖောင်တော်ဦးဘုရားမှာ ရွှေဆိုင်းကပ်လှူ(၂၈-၂-၂၀၁၁)

ဆရာ မြင်းမူမောင်နိုင်မိုး

Thursday, December 13, 2012

၂၀၁၃နှစ်သစ်ကို ကြိုတဲ့ အလွမ်း

လေအေးလေးတွေရင်ထဲမှာနွေးဖူးသလိုပဲ
အေးစက်တဲ့နှင်းတွေကြားမှာ
တိုးဖွတဲ့ရယ်သံချိုလွင်လွင်ကြောင့်
ရှက်သွေးဖြာပူနွေးဖူးပါရဲ့
ဆောင်းဆိုတဲ့ အေးမြမှုကို လွမ်းလွန်လွန်းလို့ပါ။
နှင်းကြားမှာ မမြင်နိုင်တဲ့
နှလုံးသားကမေတ္တာတရားဟာ
အစဉ်ထာဝရ နွေးထွေးမှုတွေ
ဘ၀ကို လမ်းပြခေါ်နေသလိုလို။
ချယ်ရီတွေပွင့်ဖူးဝေဆာဖူးတဲ့
တောတောင်တန်းတချို့မှာ
စိန်ပန်းပြာတွေလည်းဝေခဲ့ဖူးပါရဲ့
ဘယ်ပန်းကိုမဆို ကြွေနမ်းမှာစိုးရိမ်ဖူးပါရဲ့
ပန်းကြွေလမ်းတွေလည်းလျှောက်ခဲ့ဖူးပါရဲ့
နှစ်ဦးတူ ကြည်နူးစရာစကားတွေလည်း
မျက်ဝန်းမှာအပြုံးနုနုတွေနဲ့
ရင်ခုန်ကြည်နူးစွာပြောခဲ့ဖူးပါရဲ့ကွယ်။
တစ်ခါတစ်ခေါက်တော့ ရင်ထဲမှာ ရောက်ချင်မိတာ
နှင်းမှုန်တွေကြားစိန်ပန်းပြာတွေဖွေးဖွေးလှုပ်တဲ့
ဟောဟိုက စိမ်းမြမြယူကလစ်တန်းကို
မြေနီနီကျော်ဖြတ်နင်းပြီး
ချယ်ရီပင်အောက်လမ်းလျှောက်ခဲ့ချင်တာ
ကြာကြာလှပေါ့အတွေးတွေ
ခုတော့လေ ဘယ်မလဲ ချယ်ရီရေ
ဝေပါဦးလား အရင်ကလို
မြင်မြင်သမျှနေကြာရိုင်းပွင့်ဖတ်ဝါ၀ါတွေ
မွှေးမပျံ့တော့တဲ့ ထင်းရူးနံ့တွေရေ
ချစ်သူနဲ့အတူ လျှောက်ဖူးခဲ့တဲ့
မီးတားလမ်းလေးရေ
မြို့ပတ်ကားတွေဘီးခြေရာအောက်မှာ
ကတ္တရာတွေအဆီပြန်လို့နေ
အော် လွမ်းရတာလည်း နှစ်နှစ်ဆယ်
ဘယ်လိုလို့ တမ်းတနေပါလိမ့်
တက္ကသိုလ်ဖုန်းနိုင်ရေးခဲ့တဲ့
စာလေးတွေသတိရတော့
အတူသွားခဲ့ဖူးတဲ့ ဆုတောင်းပြည့်ဘုရား
ကို ခုတော့ခုတော့ ဝေးဝေးကသာ
လှမ်းမျှော်သက်ပြင်းချ
ကြာခဲ့ပါပြီကော။
နှင်းတွေထဲတော့ လမ်းလျှောက်မယ်စိတ်ကူးရင်း
တက္ကသိုလ်နားတစ်ဝှိုက်က အဓိပတိလမ်းကိုလည်း
မျှော်လွမ်းမိပါရဲ့
ခုတော့ သူစိမ်းဆန်အကြည့်ရိုင်းတွေနဲ့
ရင်ငွေ့မှာ ခိုလုံဖူးတာတောင်
မသိချင်ယောင်ဆောင်အနှိုးခက်လို့
တစ်ခါတစ်ခေါက်တောင် ရောက်မလာခဲ့မိဘူး
လွမ်းလိုက်တာ အမိတက္ကသိုလ်ရယ်
စိမ်းရက်တယ်နော်။
ဘာတွေရေးနေမိပါလိမ့်
သူငယ်ချင်းတွေဆီပြန်တမ်းတမိတော့
တက္ကသိုလ်ထဲမှာ ဆရာပြန်လုပ်နေတဲ့
အပျိုကြီးမမတွေလည်း သတိရတယ်
သူတို့ကတော့ ဒီနယ်မြေမှာ
အမြဲသစ်ဆန်းတဲ့ ခြေလှမ်းတွေနဲ့လျှောက်လို့
တက္ကသိုလ်ပျော်တွေပေါ့နော်။
အင်းနော်
လွမ်းရတာတွေ ခေါင်းစဉ်များပြီး
ဒီနေ့လည်း ဟိုတွေးဒီတွေးနဲ့
လာပြန်ပြီ နှစ်သစ်တခါကူးဦးမယ်
၂၀၁၃ဆိုတာ ပေါင်းလိုက်ရင် ခြောက်ပဲရတာမို့
ပျင်းခြောက်စရာနှစ်သစ်ကို
ဘယ်လို ပျော်ရွှင်မှုနဲ့ ကြိုဆိုရမလဲ
ပြောရရင် လွမ်းတာတွေတောင်ပျောက်တယ်
ပျင်းခြောက်ခြောက် ကဗျာ။(ယွန်းဆုဝဿန်-၁၄-၁၂-၁၂)